Baş konsul Qars valisi Ziya Polatı ziyarət etmişdir.

Baş konsul Qars valisi Ziya Polatı ziyarət etmişdir. 

27 dekabr 2024-cü ildə baş konsul Zamin Əliyev Qars valisi Ziya Polatı ziyarət etmişdir. Vali yeni təyinatı münasibətilə baş konsula xoş diləklərini çatdırmış və gələcək fəaliyyətində uğurlar arzulamışdır. Görüş zamanı Qars və ətraf vilayətlərlə Azərbaycanın Naxçıvan, Qarabağ və Şərqi Zəngəzur bölgələri arasında ticarət əlaqələrinin artırılması, biznes forumların, iş adamlarımızın qarşılıqlı səfərlərinin təşkil olunması, qardaş şəhər günlərinin keçirilməsi, Qars şəhərinin Azərbaycanın Qarabağ bölgəsindəki bir şəhərlə qardaşlaşması məsələləri müzakirə olunmuşdur. Bununla yanaşı, Qarsda Azərbaycanın investisiya imkanlarının tanıdılmasına dair tədbirin, eləcə də ikitərəfli, üçtərəfli və Türk Dövlətləri Təşkilatının görüşlərinin keçirilməsi ilə bağlı fikir mübadiləsi aparılmışdır.